السلام عليكم ورحمة الله وبركاته
يقول سبحانه وتعالى : (وكذلك جعلناكم أمّة وسطا .... )
للأمانه استغرب ردّة فعل الجمهور الهلالي بشكل عام على مستوى ياسر الحالي واللّي توجّه بتضييع الفرص المحقّقه بمباراة النصر واللي كانت عند البعض الاختبار الحقيقي لياسر .
لو نظرنا لحال الجمهور الهلالي بنلقى فئة متذمرة من مستوى ياسر بشتّى أشكال التذمر , واللي تشمل : اللعن والسب وهذا إذا ماوصلت لألفاظ تطعن بخلق الرجل ونكون واضحين , وهذا ماشاهدتهـ أنا وسمعته من أكثر من هلالي وهنا أنا بأسال سؤال لهالفئة : هل تظنّ ياسر يتعمّد يضيّع الفرص اللي جته بالمباراة ؟ والا هي سوء تركيز ؟ والا عدم توفيق ؟ ... الخ وبامكانك تصنع ردّة فعلك بناء على ماتعتقدهـ السبب باضاعة الفرصة , وبرضوا فيه فئة متذمره ومن حقّها تتذمر إذا المستوى مش عاجبها لكنّ التذمّر على المستوى وليس على الشخص وعادة هالفئة نجد انتقادهـا لياسر انتقاد عقلاني بعيد عن التجريح والطعن بشخص الرجل واخلاقيّاته .... الخ انتقاد على المستوى فقط !!
بالمقابل بنلقى فئة تطبّل بشكل غير طبيعي !!
وصل لحدّ الكذب وخذ مثال لمن قال بأنّ ياسر هو من صنع هدف نيفيز
ارحموا عقولنا !! شويّة منطقيّة لو سمحتوا !!
ياسر صنع الهدف طيب وشلون ؟؟
حسب ماشاهدت ياسر حاول يلعب كورة مقصيّة لكن مانجح وابعد الدفاع الكورهـ واستلمها نيفيز وسدد باتجاه المرمى , وشلون ياسر صنع بالله ؟؟؟؟؟؟ ممكن تقولّي ياسر كان سبب بالهدف بطريقة غير مباشرة , اوكي ياسر ضغط على الدفاع بشكل صحيح اعطت نيفيز مساحه للتسديد , لكنّ صنع هذا كذب على النفس قبل لايكون كذب على الآخرين ...
حبّيت اذكر الفئة المتذمرة بأنواعها والفئة المطبلة ....
وكلّ مشجّع خصيم نفسه وين تبي تكون ؟؟؟
كلّ شخص حرّ برأيه لكن المسألة انقلبت مسألة شخصيّة من الفئتين دفاع عن ياسر باستبسال أو ذمّ يصل لحدود التجريح بشخص ياسر , نحن نطالب كهلاليين الوقوف مع الهلال ونجومه إمّا بتشجيع وتحفيز وإمّا بانتقاد بنّاء , واحيانا من الوقوف مع الفريق واللاعبين السكوت إذا كنت متنرفز يا انتقد بشكل عقلاني يا أكتم اللي بصدرك إذا كنت بتخورهـا , والرسول صلّى الله عليه وسلم يقول : (انصر أخاك ظالما أو مظلوما) , نجم خدم الهلال وفرّحنا بأهدافه مهاراته وبعدّة بطولات بشكل مباشر أو غير مباشر , ووصل بالهلال لقمّة مستوياته حتّى صار أفضل لاعب بآسيا والانجاز يسجّل باسم الهلال قبل لايسجل باسم اللاعب لأنّه لو كان يلعب بنادي غير الهلال ما اعتقد أنّه بيقدر يحقق الجائزهـ , مهما وصل سوء مستوآآهـ يبقى واحد منّا وفينا معشر الزعماء يبقى نجمنا المحبوب , يبقى ياسر , وإذا كنّا نبغى ياسر يرجع لازم نوقف معه ومهما طالت الوقفه ومهما طال تحفيز والانتظار لازم نصبر عليه لأنّ حالة هبوط المستوى حاله طبيعيّة صارت لعدّة نجوم عالميين ومايخفاكم مثل ذلك , وكلّنا عارفين ظروف ياسر وعارفين وش مرّ فيه وعارفين قيمة الضغط النفسي الرهيب اللي يعاني منه واللي يتضّح بضربه للشباك بكلّ فرصة ضائعة , فلذلك محتاجين وقفه صادقه مع صاحب الرقم20 , وبلاش انتقادات لاذعة وسب وشتم , الفريق الحمدالله مستقّر وضعه مانبي شوشرهـ وزعزعة بالفريق , وجريتس أبخص بالتشكيلة وابخص بتوظيف اللاعبين ...
قبل لا اختم بالآونة الأخيرة اشوف ياسر موهوب بصناعة اللعب أكثر من التهديف وهذا شيء واضح لكل متابع هلالي , ياسر يواجه نحس وسوء تهديفي عظيم , لكنّ بالمقابل صناعته للأهداف شيء رهيب وبلمسات رائعة